მეან-გინეკოლოგის კონსულტაციის მიზანია ქალის ზოგადი რეპროდუქციული ჯანმრთელობის შეფასება, ორსულობის დაგეგმვა ან უკვე მიმდინარე ორსულობის მონიტორინგი.
კონსულტაცია მნიშვნელოვანია როგორც ორსულობის დაგეგმვის ეტაპზე, ასევე უკვე მიმდინარე ორსულობის დროს. ვიზიტის ფარგლებში ექიმი აფასებს პაციენტის ჯანმრთელობის მდგომარეობას, სამედიცინო ისტორიას, საჭიროების შემთხვევაში ნიშნავს დამატებით ლაბორატორიულ კვლევებს და ინდივიდუალურად ადგენს შემდგომი მართვისა და მკურნალობის გეგმას.
რეგულარული კონსულტაცია ხელს უწყობს ქალის რეპროდუქციული ჯანმრთელობის შენარჩუნებას, ორსულობის უსაფრთხო მიმდინარეობას და დედისა და ნაყოფის კეთილდღეობას.
მეან-გინეკოლოგის კონსულტაცია შეიცავს:
დეტალური სამედიცინო ისტორიის (ანამნეზის) შეკრებასა და შეფასებას
გინეკოლოგიურ კლინიკურ გასინჯვას
მენჯის ორგანოების ულტრაბგერით კვლევას
ლაბორატორიულ და ჰორმონალურ ანალიზებ
მენსტრუალური ციკლის დარღვევების დიაგნოსტიკასა და მართვას
ანთებითი გინეკოლოგიური დაავადებების შეფასებასა და მკურნალობას
ჰორმონალური დისბალანსის დიაგნოსტიკასა და მართვას
უნაყოფობის შესაძლო მიზეზების დადგენას
ორსულობის მონიტორინგს
თანამედროვე გაიდლაინებზე დაფუძნებულ რეკომენდაციებს ქალის რეპროდუქციული ჯანმრთელობის შესანარჩუნებლად და გასაუმჯობესებლად
ხშირად დასმული კითხვები
როდის არის რეკომენდებული მეან-გინეკოლოგთან კონსულტაცია?
მეან-გინეკოლოგთან ვიზიტი რეკომენდებულია როგორც პროფილაქტიკური შემოწმებისთვის, ასევე მენსტრუალური ციკლის დარღვევების,ჰორმონალური ცვლილებების, ორსულობის დაგეგმვის, ორსულობის მიმდინარეობის მონიტორინგისა და სხვა გინეკოლოგიური ჩივილების შემთხვევაში.
რას მოიცავს მეან-გინეკოლოგის კონსულტაცია?
კონსულტაციის დროს ექიმი აგროვებს სამედიცინო ისტორიას, აფასებს პაციენტის რეპროდუქციულ ჯანმრთელობას, საჭიროების შემთხვევაში ატარებს გინეკოლოგიურ გასინჯვას, ნიშნავს ლაბორატორიულ ან ინსტრუმენტულ კვლევებს და ადგენს ინდივიდუალური მკურნალობის ან შემდგომი დაკვირვების გეგმას.
რა კვლევები შეიძლება დამინიშნოს მეან-გინეკოლოგმა?
საჭიროების მიხედვით ექიმმა შეიძლება დაგინიშნოთ ულტრაბგერითი კვლევა, HPV ტესტირება, ჰორმონული ანალიზები, ლაბორატორიული კვლევები ან სხვა დამატებითი გამოკვლევები დიაგნოზის დასაზუსტებლად.
რამდენად ხშირად არის რეკომენდებული პროფილაქტიკური გინეკოლოგიური შემოწმება?
თუ განსაკუთრებული ჩივილები არ გაქვთ, რეკომენდებულია პროფილაქტიკური გინეკოლოგიური კონსულტაციის ჩატარება წელიწადში ერთხელ. ექიმმა შესაძლოა ინდივიდუალური ჯანმრთელობის მდგომარეობიდან გამომდინარე განსხვავებული სიხშირეც გირჩიოთ.
შეიძლება თუ არა კონსულტაციის დროს ორსულობის დაგეგმვასთან დაკავშირებული რეკომენდაციების მიღება?
დიახ. მეან-გინეკოლოგი აფასებს თქვენს რეპროდუქციულ ჯანმრთელობას, საჭიროების შემთხვევაში ნიშნავს წინასაორსულო კვლევებს და გაწვდით რეკომენდაციებს უსაფრთხო და ჯანმრთელი ორსულობის დაგეგმვისთვის.
შესაძლებელია თუ არა ორსულობის მონიტორინგი რეპროდუქციული მედიცინის ცენტრ „უნივერსში“?
დიახ. კლინიკაში შესაძლებელია ორსულობის მეთვალყურეობა, რეგულარული კონსულტაციები და საჭირო დიაგნოსტიკური კვლევების ჩატარება დედისა და ნაყოფის ჯანმრთელობის მონიტორინგისთვის.